அட்ராட்ரா நாக்க‌ முக்க‌ நாக்க‌ மு.க‌., மு.க‌.

என் அருமை தமிழே, அருமை தமிழின் தம்பி கன்னடமே... மற்றொரு அருமை தம்பி எடியூரப்பாவே... என் அருமை உடன்பிறப்பே... நீ இன்று இந்த உலகில் வாங்க முடியாதது துவரம்பருப்பே..

இன்று இந்த மாபெரும், வரலாற்று சிறப்பு மிக்க "ஐயன் சிலை" திறப்பு விழா உலகெங்கும் வெகு விமர்சையாக கொண்டாடப்படுவதை எதிரணியினர் பல கோடி கொள்ளி கண்களுடன் பார்ப்பதை அன்றே வள்ளுவர் என்னிடம் சொன்னார்.....

ஒரு கட்டு சுள்ளியில் ஒரு சுள்ளி நல்ல சுள்ளி

எதிரணியின் கண்களிலோ என்றென்றும் ஓராயிரம் கொள்ளி

நாம் இன்று இந்த மகத்தான உலக சாதனையை செய்துள்ளோம்... இதை காண அந்த வள்ளுவர் இல்லையே என்று என் மனம் கவலை கொண்டாலும், வாழும் வள்ளுவனான நான் கண்டுகளித்ததை கண்டு என் தமிழினம் உவகை கொண்டதே....

அவர் கண்டால் என்ன, நீங்கள் கண்டால் என்ன என்று காலை அருமை தம்பி ஆற்காட்டார் சொன்னாரே. அவரல்லவோ தீர்க்கதரிசி...

உங்களுக்கே தெரியும்... நான் புகழ்ச்சியை விரும்பாதவன் என்று.... ஆனாலும், வரும் வழியில் எனக்கு நிறைய அளவில் கட் அவுட்டுகள் வைக்கப்படவில்லை என்பதை உங்களுக்கு நினைவுபடுத்துகிறேன்...

புகழை தேடி அலைபவனல்ல நான்... புகழ் என்னை தேடி வரும்... இதோ வந்துவிட்டதே... வாருங்கள் கவிஞர் புகழேந்தி அவர்களே.... இந்த விழா சிறப்பாக நடைபெறுகின்ற நேரத்தில், எங்களை வாழ்த்தி ஒரு வெண்பா பாடுங்கள் என்று நான் கேட்கமாட்டேன்... ஆனால், நீங்களாக பாடுவீர்கள் என்று எனக்கு தெரியும்...

ஒரு ரூபாய்க்கு அரிசியும், 50 ரூபாய்க்கு மளிகையும், மிக குறைந்த அளவே மின்சார கட்டணமும் செலுத்த வைத்தது என் அரசு...

மின்வெட்டு அமலில் இருந்ததால், மின்சார தேவையே இல்லை... அதுதான் மின்சார கட்டணமும் குறைவு என்று ஒருவர் சொன்னார்.. அவர் எதிர் கழக தொண்டராகத்தான் இருப்பார்... அடுத்தவரின் சாதனைகளை கூட சோதனையாக பார்க்கும் உயர்ந்த மனது அவருக்கு...

நிகழ்ச்சிக்கு வரும் வழியில் தம்பி எடியூரப்பா அவர்கள் என்னிடம் "மானாட மயிலாட" படப்பிடிப்பை மைசூர் பிருந்தாவன் தோட்டத்தில், இயற்கை எழில் சூழ்ந்துள்ள பசுமை பிண்ணனியில் வைத்துக்கொள்ளுமாறு கூறினார்...

தம்பிகள் ஆற்காட்டார், துரைமுருகன், பொன்முடி ஆகியோரிடம் கலந்தாலோசித்து, நல்ல முடிவு எடுப்பதாக கூறினேன்... அந்த நிகழ்ச்சி, இங்கு உதயா டி.வி.யிலும் ஒளிபரப்ப வழி செய்வேன் என்று உறுதி கூறுகிறேன்..

அட்ராட்ரா நாக்க முக்க, நாக்க முக்க என்ற இனிய தமிழ் பாடல் உலகெங்கும் உலா வந்து, உலகத்தமிழர்கள் செவியை அடைந்து, அனைவராலும் நன்கு ரசிக்கப்பட்டதாக செய்திகள் வந்த வண்ணம் உள்ளது... அந்த பாடலை கழகத்தின் கொள்கைப்பாடலாக அறிவிக்கலாமா என்று இரவு அறிவாலயத்தில் கூட்டம் கூட்டி முடிவு செய்யப்படும்....

இப்போது இந்த வயதில் இளையவனான எனக்கு "அண்ணா விருது" வழங்கி தமிழகம் உவகை காணுகிறது... அவர்களின் அன்புக்கு நான் என்ன கைமாறு செய்ய செய்யப்போகிறேன். இன்னும் என்னென்ன விருது பாக்கி உள்ளதோ, அவை அனைத்தையும் சீக்கிரம் எனக்கு தந்துவிடுங்கள்...

ஏனெனில் :

விருது வாங்கும் தகுதி உள்ள ஒரே உலக தமிழன் நானே...

உலகில் பிறர் யாரும் அதை வாங்க நினைப்பது வீணே..

வாழ்க அண்ணா நாமம்..

நானும் போடுவேன் உங்களுக்கு நாமம்...

(அடுத்த அதிரடி பதிவு : பட்டு மாமியும், பட்டு புடவையும்)